АСТАНА. ҚазАқпарат – Қазақстандық хоккейші Роман Савченко румыниялық «Чиксереда» клубымен келісімшартқа отырды, деп хабарлайды ҚазАқпарат тілшісі.
Аталмыш клубтың ресми сайтынан мәлім еткеніндей, «Чиксереда» командасына Р.Савченкомен бірге ресейліктер Яков Селезнев пен Илья Крикунов алынды.
Қорғаушы, 34 жастағы Роман Савченко жуырда астаналық «Номад» клубынан кеткен еді.
Роман Құрлықтық хоккей лигасында 14 маусым бойы өнер көрсетті. Соның ішінде 11 маусымда «Барыс» намысын қорғады. Сондай-ақ «Локомотив» (Ярославль) пен «Сибирь» (Новосібір) құрамында да болды.
Р.Савченко Қазақстан құрамасы сапында бес жылда 29 ойын өткізді.
Еске сала кетейік, бұдан бұрын «Барыс» хоккейшісінің Қазақстан азаматтығынан айырылғанын жазған болатынбыз.
Сурет – «Номад» клубы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).