АСТАНА. ҚазАқпарат - Қазақстандық клубтардың UEFA Конференция лигасы үшінші сатысындағы ықтимал қарсыластары анықталды, деп хабарлайды ҚазАқпарат тілшісі.
Биыл еліміздің атынан Конференция лигасында «Тобыл» (Қостанай), «Ақтөбе» және «Ордабасы» (Шымкент) командалары сынға түседі.
Конференция лигасы үшінші сатысында «Тобыл» «Дерри Сити» (Ирландия) және КуПС (Финляндия), «Ақтөбе» ЦСКА София (Болгария) және «Сепси» (Румыния), «Ордабасы» Аустрия» (Австрия) және «Борац» (Босния и Герцеговина) жұбының жеңімпаздарымен кездесуі ықтимал.
Одан бұрын қазақстандық командалар екінші іріктеу сатысынан өтуі тиіс. Жарыстың аталған сатысында «Тобыл» Швейцарияның «Базель», «Ақтөбе» Грузияның «Торпедо Кутаиси», «Ордабасы» Польшаның «Легия» клубтарымен ойнайды.
Еске салсақ, бұдан бұрын «Астананың» еурокубоктың үшінші сатысындағы ықтимал қарсыластары анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.