03:00, 27 Шілде 2022

Қазақстандық клубтардың UEFA Конференция лигасындағы қарымта ойындары қашан басталады

НҰР-СҰЛТАН. ҚазАқпарат - Қазақстандық клубтардың қатысуымен өтетін UEFA Конференция лигасындағы үш ойынның қай уақытта басталатыны белгілі болды, деп хабарлайды ҚазАқпарат тілшісі.

Еліміздің атынан енді аталған турнирдің екінші іріктеу сатысында «Астана», «Қайрат» және «Қызылжар» командалары сынға түседі.

Елордада өтетін «Астана» және Польшаның «Ракув» командалары арасындағы кездесу 28 шілдеде 21:00-де басталады.

Ал Венгрияның «Кишварда» және «Қайрат» арасындағы ойын елорда уақытымен 22:00-ге белгіленсе, Хорватияның «Осиек» және «Қызылжар» командалары 00:30-де жасыл алаңға шығады.

Айта кетсек, екінші іріктеу сатысында қазақстандық «Астана» Польшаның «Ракув» командасынан 0:5, «Қайрат» Венгрияның «Кашвердасынан» 0:1, «Қызылжар» Хорватияның «Осиегінен» 1:2 есебімен жеңіліп қалды.

Аталған командалар қарымта кездесуді 28 шілде күні өткізеді.

Еске салсақ, әзірге қазақстандық клубтар қатарынан «Тобыл» ғана үшінші іріктеу сатысына жолдама алды. Қостанайлық клуб екі ойынның нәтижесімен (2:0, 1:0) Гибралтардың «Линкольн Ред Импс» командасын орта жолда қалдырды.

«Астана» ФК «Қайрат» ФК Спорт Футбол Қоғам

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.