Қазақстандық компания «Worldwide Partner Conference-2009» Майкрософт халықаралық конкурсында жеңімпаз атанды

АЛМАТЫ. Шілденің 17-сі. ҚазАқпарат /Ербол Азанбек/ - Германияның Мюнхен қаласында Майкрософт компаниясының бүкіләлемдік әріптестік конференциясы аясында өткен конкурста Қазақстандық New Dimension компаниясы "Өндірістік саладағы жыл әріптесі" аталымы бойынша жеңімпаз деп танылды,

      деп хабарлайды ҚазАқпарат.

         Майкрософттың Орталық және Шығыс Еуропадағы әріптестері қатысқан әлемдік конкурста Қазақстандық компания тұңғыш рет үздік шықты.

«Әлемдік беделді сайыста қазақстандық компанияның тұңғыш рет жеңімпаз атануы қуанышты.Бұл біздің Қазақстанның индустриялды-инновациялық дамуына үлес қосып отырғанымызды және бұл салада Қазақстанның әлемдік бағыт алып келе жатқанын көрсетеді», дейді  New Dimension компаниясының басқарушы - әріптесі Ілияс Әмірханов.