Қазақстандық Максим Раков Түркияда дзюдодан гран-при-де «қолаға» қол жеткізе алмады
17:24, 03 Сәуір 2016
АСТАНА. ҚазАқпарат - Түріктің Самсун қаласында дзюдошылар арасында гран-при өтуде, деп хабарлады Sports.kz.
100 келіге дейінгі салмақ санатында өнер көрсеткен қазақстандық Максим Раков жұбаныш раундысында моңғол палуаны Цогтгерел Хутагудан жеңіліп қалып, қола медаль үшін күрес жолынан шығып қалды.
Бұған дейін Раков американдық Аяс Тадехарудан басым түсіп, португальдық Жорже Фонсекке жол берді, одан кейін жартылай финалда Максим татамиде моңғол палуанымен сайысқа түсті.