АСТАНА. ҚазАқпарат - Түркияның Анталия қаласында кеше жалауы желбіреген садақ атудан әлем кубогының екінші кезеңін спортшыларымыз жеңіспен бастады, деп хабарлайды ҚазАқпарат тілшісі.
Жарыстың алғашқы күні классикалық садақ атудан командалық сайыста отандастарымыз финалға жолдама алды.
Құрамында Денис Ганкин, Санжар Мусаев және Ойбек Саидиев бар құрамамыз әлем кубогының бірінші кезеңінде жеңіске жеткен болатын. Енді міне, тағы да финалға жолдама жеңіп алды.
Олар екінші кезеңнің іріктеуінде алдымен Тайпей және Франция мергендерін қапы қалдырды. Кейін жартылай финалда Германия мергендерімен өткен аса тартысты сайыста қарсыластарын тағы да жеңді. Енді финалда қазақстандық мергендер Италия елінің спортшыларымен сынға түсетін болады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.