АСТАНА. ҚазАқпарат - Қазақстандық самбошы Бейімбет Қанжанов Мәскеу қаласында мәреге жеткен Асламбек Аслахановтың жүлдесі үшін өткен ХV халықаралық турнирдің жеңімпазы атанды.
Халықаралық самбо федерациясының ресми сайтынан алынған мәліметке қарағанда, Бейімбет 52 кг салмақта топ жарды.
Аталмыш жарыстан кейін белгілі саясаткер, Ресейдің еңбек сіңірген спорт шебері, генерал, алдағы жылы 75 жасқа толатын А.Аслаханов турнирдің 15 жыл бойы жоғары деңгейде өтіп келгендігін, енді өзінің қызметін ардагерлер арасындағы самбо күресінің дамуына арнайтындығын мәлімдеген.
Айта кетейік, Бейімбет Қанжанов - ел намысын абыроймен қорғап жүрген спортшы, самбодан өткен жылғы әлем чемпионы, 2014 жылы «Харлампиев мемориалы» халықаралық турнирінде де топ жарды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).