«Нақтырақ айтар болсақ, Қордай шекара отрядына қарасты «Кайнар» заставасының шекарашылары (Жамбыл облысы) халық тұтынатын тауарлар салынған 15 түк жүкті резиналы қайыққа тиеп келе жатқан 40 жастағы еліміздің азаматын ұстады.
«Астана - Мәскеу» бағытындағы поезға шекаралық бақылау жасау кезінде Қостанай шекара отрядына қарасты «Қайрақ» (теміржол) бекеті бақылаушыларының Вир есімді иті тамбурдың маңайына жасырылған түр-түсі, иісі «героинға» ұқсайтын зат тапты, салмағы 60 грамм болып шықты. Ұсталған адамдар Қостанай қаласының желілік бөлімшесіне берілді.
«Лисаковск - Челябинск» бағытындағы автобусқа шекаралық бақылау жасау кезінде Қостанай шекара отрядына қарасты «Қайрақ» (автомобильдік) бекетінің бақылаушылары орындықтың маңайына жасырылған түр-түсі, иісі марихуанаға ұқсайтын зат тапты, салмағы 200 грамды құрады. Бұл бойынша ұсталғандар Қарабалық аудандық ішкі істер бөліміне берілді.
Сондай-ақ, осы күні қазақ-қырғыз шекарасында екі рет құс етін заңсыз өткізбек болғандардың жолы болмады. Нәтижесінде, 500 кг құс еті шекарашылардың қолына түсті», - деп жазылған хабарламада.
Қазіргі уақытта аталған дерек бойынша анықтау жұмыстары жүргізілуде.