100 метрге баттерфляй әдісімен жүзу бойынша ақтық сынға барлығы 8 спортшы қатысады. Финал жексенбі, 6 тамызда Чэнду қаласындағы (Сычуань провинциясы, Қытай) Dong’an Lake орталығында, Бейжің уақытымен сағат 18:51-де басталады.
Осыған дейін Жапонияның Фукуока қаласында өткен су спортынан әлем чемпионатында Әділбек Мусин 100 метрге баттерфляй әдісімен жүзуден 51,68 секунд көрсеткішпен Қазақстанның рекордын орнатқан болатын.6 тамыз күнгі сағат 12:00-дегі (жергілікті уақыт) жағдай бойынша Қазақстан медальдық есепте 19-шы орында тұр. Қазақстан құрамасының қоржынында 19 медаль бар: екі алтын, жеті күміс және 10 қола. Қытай көш бастап тұр (141 медаль: 78 алтын, 33 күміс және 30 қола). Екінші орында Жапония (74:19-24-31), үшінші орында Оңтүстік Корея (50:17-15-18).
Бұған дейін биіктікке секіру жарысында қазақстандық Надежда Дубовицкая мен Кристина Овчинникова финалға шыққан болатын.