АСТАНА. ҚазАқпарат – Қазақстандық Дмитрий Попко Босния және Герцеговинаның Киселяк қаласында өткен ITF турнирінің финалына шыға алмады, деп хабарлайды ҚазАқпарат тілшісі.
Әлемнің 360-ракеткасы Д.Попко жарыс барысында үш кездесуінде жеңіске жетті.
Соның ішінде ширек финалда дүниежүзілік рейтингте 409-орында тұрған аргентиналық Хуан Батиста Отегуиді тартысты бәсекеде 6:7 (9:11), 7:5, 6:4 есебімен тізе бүктірді.
Жартылай финалда қазақстандық теннисші рейтингте 488-орындағы бразилиялық Педро Боскардин Диастан айласын асыра алмады – 3:6, 7:5, 6:7 (4:7).
Өткен аптада Д.Попко АҚШ-тың Пенсакола қаласында осындай додада чемпион атанып, соның нәтижесінде әлемдік рейтингте 413-тен 360-сатыға көтерілген еді.
Еске сала кетейік, бұдан бұрын Елена Рыбакинаның Ролан Гаррос матчына неге шықпағанын түсіндіргенін жазған едік.
Ролан Гаррос турнирінде қазақстандықтар жарыс жолынан шығып қалды.
Бейбіт Жұқаев АҚШ-тағы челленджер турнирінің финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).