НҰР-СҰЛТАН. ҚазАқпарат – Қазақстандық Тимофей Скатов Испаниядағы Мелилье ITF турнирінің жеңімпазы атанды, деп хабарлайды ҚазАқпарат тілшісі.
Дүниежүзілік рейтингте 472-орында тұрған 19 жастағы қазақстандық теннисші аталмыш доданың екінші ракеткасы болып тіркеліп, барлығы бес кездесу өткізді.
Соның ішінде Т.Скатов жартылай финалда Нидерланды өкілі Макс Хаукесті 6:2, 6:1 есебімен тізе бүктірді.
Финалда рейтингте 724-сатыдағы даниялық Хольгер Рунемен бас жүлдені сарапқа салды.
Бірінші партияда даниялық спортшы басым түсті – 6:3.
Екінші сетте Т.Скатов қарсыласына бірде-бір гейм берген жоқ – 6:0.
Үшінші, шешуші партияда қазақстандық теннисші брейкпен алға кетті – 2:1. Тағы бір брейк – 4:1. Т.Скатов матчты тағы бір брейкпен түйіндеді – 6:1.
Тартысты өткен бәсеке 2 сағат 22 минутқа созылды.
Еске сала кетейік, бұдан бұрын Елена Рыбакинаның Страсбург турнирінің финалында ұтылып қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).