АСТАНА. ҚазАқпарат – Қазақстандық, әлемнің 233-ракеткасы Тимофей Скатов Лиссабон (Португалия) челленджер турнирін жеңіспен бастады, деп хабарлайды ҚазАқпарат тілшісі.
Өткен аптада Португалияда Брага жарысының жартылай финалына дейін жеткен Т.Скатов бұл жолы бастапқы кездесуін дүниежүзілік рейтингте 303-орында тұрған испаниялық Ориоль Рока Батальямен өткізді.
Қазақстандық спортшы тай-брейкпен аяқталған екі партияда 7:6 (10:8), 7:6 (7:5) есебімен басым түсті.
Үш сағатқа жуық уақытқа созылған тартысты бәсеке барысында Т.Скатов 1 эйс жасап, 4 брейк-пойнттың үшеуін өз есебіне жазды. Қарсыласы 3 эйс, 3 брейкпен (12 брейк-пойнт) көзге түсті.
Тимофей Скатов ширек финалға шығу үшін әлемнің 122-інші, доданың 3-ракеткасы, италиялық Франческо Пассаромен таласады.
Еске сала кетейік, бұдан бұрын Александр Бубликтің әлемдік рейтингіде ТОП-40-қа жуықтағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).