НҰР-СҰЛТАН. ҚазАқпарат - Қазақстандық Анна Данилина Рабат (Марокко) WTA жарысының іріктеу сайысын сәтті бастады, деп хабарлайды ҚазАқпарат тілшісі.
Қазақстандық теннисші іріктеу сайыстарының жартылай финалында жапониялық Ена Шибахарамен шеберлік байқасты.
Анна Данилина қарсыласын 6:2, 6:3 есебімен тізе бүктірді.
Сағат жарымға жуық уақытқа созылған матчта қазақстандық теннисші 15 брейк-пойнттың алтауын пайдаланды. Е.Шибахара 2 эйс, 2 брейкпен көзге түсті.
А.Данилина іріктеу сайыстарының финалында ресейлік Екатерина Рейнгольд немесе Бурунди өкілі Сада Нахимананың біреуімен кездеседі. Оны жеңсе, негізгі жарысқа жолдама алады.
Еске сала кетейік, бұдан бұрын Андрей Голубевтің Рим мастерс турнирінің жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).