НҰР-СҰЛТАН. ҚазАқпарат - Қазақстандық Григорий Ломакин жұптық сында Милан челленджер турнирінің жартылай финалына шықты, деп хабарлайды ҚазАқпарат тілшісі.
Қазақстандық теннисші украиналық Владислав Манафовпен бірге ширек финалда ресейлік Алексей Ватутин - аустриялық Тристан-Самюэль Вейссборн жұбымен шеберлік байқасты.
Қазақстандық-украиналық жұп 7:6 (7:4), 7:6 (7:1) есебімен жеңіске жетті.
Бір сағат 45 минутқа созылған тартысты матчта Ломакин мен Манафов 4 эйс жасап, 5 брейк-пойнттың екеуін пайдалана білді.
Қазақстандық-украиналық жұп финалға шығу үшін италиялық Лусиано Дардери - бразилиялық Фернандо Ромболимен таласады.
Еске сала кетейік, бұдан бұрын Михаил Кукушкиннің Уимблдонда өнер көрсететінін жазған болатынбыз.
Сондай-ақ әлемнің бірінші ракеткасы Даниил Медведев Astana Open турнирінде ойнайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).