НҰР-СҰЛТАН. ҚазАқпарат – Қазақстандық Григорий Ломакин жұптық сында Мысырда өткен ITF M15 жарысының жеңімпазы атанды, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, Г.Ломакин тайбэйлік Рэй Хомен бірге финалда турнирдің бірінші ракеткалары, зимбабвелік Бенджамин Лок – Польша өкілі Даниэль Михальскимен бас жүлдені сарақа салды.
Тең дәрежеде өткен матч тағдыры тай-брейкте шешілді. Г.Ломакин мен Р.Хо 7:6, 7:6 есебімен жеңіске жетті.
Осылайша қазақстандық теннисші жұптық сында ITF сериясында 15-інші, биылғы бірінші титулына қол жеткізді.
Еске сала кетейік, бұдан бұрын Анна Данилинаның Сидней турнирінің жеңімпазы атанғанын, Елена Рыбакинаның әлемдік рейтингіде рекордтық көрсеткішке қол жеткізгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).