АСТАНА. ҚазАқпарат – Қазақстандық теннисші, әлемнің 242-ракеткасы Тимофей Скатов Брага (Португалия) челленджер жарысының финалына шыға алмады, деп хабарлайды ҚазАқпарат тілшісі.
Қазақстандық теннисші жартылай финалда дүниежүзілік рейтингіде 308-орында тұрған америкалық Николас Морено Де Альборанмен күш сынасты.
Бірінші партияда қазақстандық спортшы басымдылық танытты – 6:3.
Екіншісінде қарсыласы есе қайырды – 7:5.
Үшінші, шешуші сетте Тимофей Скатов 2:0 есебімен алға кеткенімен, сол қарқынын жалғастыра алмады. Америкалық спортшы 6:2 есебімен жеңіске жетті.
Екі сағат 44 минутқа созылған тартысты бәсеке барысында Т. Скатов 8 брейк-пойнттың тең жартысын пайдалана білді.
Қарсыласы 4 эйс, 5 брейкпен көзге түсті.
Еске сала кетейік, бұдан бұрын қазақстандық теннисшінің Португалиядағы жарыстың жартылай финалына шыққанын жазған болатынбыз.
Сондай-ақ, Александр Бублик Франциядағы турнирдің жартылай финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).