АСТАНА. ҚазАқпарат – Қазақстандық Жібек Құламбаева жұптық сында Таиландтағы Нонтхабури 2 ITF W40 турнирінің жартылай финалына шықты, деп хабарлайды ҚазАқпарат тілшісі.
Қазақстандық теннисші израильдық Лина Глушкомен бірге алдымен жапониялық Киока Окамура – таилық Пеангтарн Плипуекті 7:5, 6:3 есебімен тізе бүктірді.
Бүгін қазақстандық-израильдық дуэт ширек финалда таилықтар Чомпоотип Джандакет – Тамачан Момкунтодпен шеберлік байқасты.
Ж.Құламбаева мен Л.Глушко 7:6 (7:2), 6:1 есебімен ұтып, жартылай финалға жолдама алды. Олардың жартылай финалдағы қарсыластары кейін анықталады.
Еске сала кетейік, бұдан бұрын Елена Рыбакинаның жұптық сында Аделаида турнирінің финалына шыққанын жазған болатынбыз.
Сондай-ақ қазақстандық теннисшілердің Аустралия ашық чемпионатындағы қарсыластары анықталды.
Фото – Қазақстан теннис федерациясы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).