АСТАНА. ҚазАқпарат – Қазақстандық Бейбіт Жукаев Жапонияда Йоккаити челленджер турнирінің ширек финалына шыға алмады, деп хабарлайды ҚазАқпарат тілшісі.
Б.Жукаев екінші айналымда әлемнің 173-інші, осы жарыстың 3-ракеткасы, жапониялық Юсуке Ватанукимен шеберлік байқасты.
Бәсеке 0:6, 1:4 есебімен аяқталды. Екінші сетте алтыншы геймде аздап жарақат алған Бейбіт матчты жалғастыра алмады.
Ақтау теннис мектебінің түлегі, 22 жастағы Б.Жукаев биыл өте табысты өнер көрсетті. Жылдың басында 728-орынмен бастаған Бейбіт Жукаев қазіргі кезде АТР live рейтингісінде 311-сатыда тұр.
Тағы бір қазақстандық, әлемнің 223-ракеткасы Михаил Кукушкин Андрия (Италия) челленджер додасында ширек финалға шығу үшін бүгін рейтингте 264-орындағы бельгиялық Микаэль Гритцпен таласады.
Еске сала кетейік, бұдан бұрын қазақстандық теннисшінің Жапониядағы турнирді жеңіспен бастағанын жазған болатынбыз.
Сондай-ақ Елена Рыбакина бір жылда 370 эйс жасап, әлемде екінші болды.
Теннистен Қазақстан құрамасы жаңа турнирде ойнайды.
Фото: ktf.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).