НҰР-СҰЛТАН. ҚазАқпарат - Қазақстандық Андрей Голубев жұптық сында Женева ATP 250 турнирін жеңіспен бастады, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, А.Голубев хорватиялық Марин Чиличпен бірге алғашқы айналымда франциялық Артур Казо - қытайлық Ханвен Лимен кездесті.
Қазақстандық-хорватиялық жұп 7:6 (7:5), 6:3 есебімен жеңіске жетті.
Бәсеке 1 сағат 22 минутқа созылды.
А.Голубев пен М.Чилич төрт брейк-пойнттың үшеуін пайдалана білді. Қарсыластары екі брейк жасады.
Қазақстандық-хорватиялық жұп ширек финалда осы жарыстың үшінші ракеткалары оңтүстікафрикалық Равен Класен - жапониялық Бен Маклахланмен шеберлік байқасады.
Еске сала кетейік, бұдан бұрын Ю.Путинцеваның Сербия ашық чемпионатын жеңіспен бастағанын, қазақстандық теннисшінің Лион турнирінің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).