АСТАНА. ҚазАқпарат – Қазақстандықтар Андрей Голубев пен Александр Недовесов жұптық сында Буэнос-Айрес (Аргентина) ATP 250 турнирінің ширек финалына шықты, деп хабарлайды ҚазАқпарат тілшісі.
Қазақстандық жұп алғашқы айналымда аустриялықтар Александр Эрлер – Лукас Мидлермен шеберлік байқасты.
А.Голубев пен А.Недовесов екі партияда 6:4, 6:4 есебімен басымдылық танытты.
Бір сағаттан астам уақытқа созылған матч барысында қазақстандық дуэт 3 эйс жасап, 5 брейк-пойнттың екеуін пайдалана білді. Аустриялықтар 1 эйспен ғана шектелді.
Қазақстандықтардың ширек финалдағы қарсыластары кейін анықталады.
Еске сала кетейік, бұдан бұрын Александр Бубликтің түрлі жарыста қатарынан оныншы рет жеңіліс тапқанын жазған болатынбыз.
Қазақстандық төрешілер алғаш рет Әбу-Дабидегі турнирде қазылық етті.
Александр Бублик жұптық сында Роттердам турнирінің ширек финалына шықты.
Фото – Қазақстан теннис федерациясы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).