АСТАНА. ҚазАқпарат – Қазақстандық теннисшілер Григорий Ломакин, Ярослав Пшеничный және Тайыр Қайретдинов халықаралық турнирлердің финалисі атанды, деп хабарлайды ҚазАқпарат тілшісі.
Қазақстан теннис федерацисынан мәлім еткеніндей, Г.Ломакин жұптық сында бразилиялық Игор Хименеспен бірге Вакарияда (Бразилия) өткен ITF жарысында (жүлде қоры – 25 мың доллар) финалға дейін жетті.
Соңғы бәсекеде Григорий мен Игор тартысты матчта бразилиялықтар Жоао Лоурейро – Густаво Хейдеге есе жіберді – 6:3, 6:7 (5:7), 5:10.
Түркияда 14 жасқа дейінгілер арасында үшінші санаттағы Tennis Europe додасында Я.Пшеничный мен Т.Қайретдинов финалда ресейлік Картцев пен түркиялық Байбарысқа жол берді – 4:6, 2:6.
Испанияда Рафаэль Надаль академиясында 12 жасқа дейінгілер арасында TEN-PRO Global Junior Tour турнирі мәресіне жетті. Оған Астана мен Петропавл теннис мектебінің тәрбиеленушілері қатысты. Астаналық Полина Лазаренко үшінші орынға көтерілсе, Абылай Төлеубаев «Турнирдің үздік ойыншысы» аталымы бойынша арнайы жүлдемен марапатталды.
Еске сала кетейік, бұдан бұрын қазақстандық 3 жас теннисшінің Азия рейтингісінде көш басында тұрғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).