АСТАНА. ҚазАқпарат – Кәсіби теннисшілер қауымдастығы (ATP) жекелей және жұптық сында жаңартылған әлемдік рейтингіні жария етті, деп хабарлайды ҚазАқпарат тілшісі.
Қазақстанның бірінші ракеткасы Александр Бублик 37-орнын сақтап қалды.
Тимофей Скатов 141-ден 142-ге сырғыды.
Дүниежүзілік рейтингіде бұрынғыша испаниялық Карлос Алькарас көш бастап келеді. Оның отандасы Рафаэль Надаль екінші, грекиялық Стефанос Циципас үшінші сатыда.
Жұптық сында Андрей Голубев 49-дан 48-ге, Александр Недовесов 54-тен 53-ке көтерілсе, А.Бублик 165-тен 172-ге төмендеді.
Бірінші орынды 7450 ұпаймен Нидерланд өкілі Уэсли Колхоф пен британиялық Нил Скупски бөліссе, америкалық Раджив Рам үздік үштікті түйіндеп тұр.
Еске сала кетейік, бұдан бұрын қазақстандық теннисшінің Словакиядағы турнирде жеңімпаз атанғанын, теннистен әлем чемпионатының іріктеу сатысында Қазақстан әйелдер құрамасының Польшамен ойнайтынын жазған болатынбыз.
Сондай-ақ Юрий Польский Польшамен матчта Қазақстан құрамасы барын салатынынмәлім етті.
Фото: sports.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).