АСТАНА. ҚазАқпарат – Кәсіби теннисшілер қауымдастығы (ATP) ерлер арасында жаңартылған рейтингіні жария етті, деп хабарлайды ҚазАқпарат тілшісі.
Қазақстанның үздік теннисшісі Александр Бублик 36-дан 37-сатыға сырғып кетті.
Тимофей Скатов 141-орнында қалса, Михаил Кукушкин 235-тен 236-ға, Денис Евсеев 287-ден 290-ға, Бейбіт Жукаев 321-ден 323-ке, Дмитрий Попко 324-тен 325-ке төмендеді.
Әлемдік рейтингте бұрынғыша испаниялық Карлос Алькарас көш бастап келеді. Оның отандасы Рафаэль Надаль екінші, грекиялық Стефанос Циципас үшінші орында.
Жұптық сында Андрей Голубев 52-ден 49-ға, Александр Недовесов 57-ден 54-ке, Александр Бублик 169-дан 165-ке көтерілді.
Мұнда Нидерланд өкілі Уэсли Колхоф көш басына шықты. Ұлыбританиялық Нил Скупски екінші, бұрынғы көшбасшы, америкалық Раджив Рам үшінші сатыда тұр.
Еске сала кетейік, бұдан бұрын қазақстандық жас теннисшілердің халықаралық турнирлерде үздік шыққанын жазған болатынбыз.
Фото: sports.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).