АСТАНА. ҚазАқпарат - Ресейдің Сочи қаласында ерлер мен әйелдер арасында самбодан өтіп жатқан әлем чемпионатының алғашқы күнінде қазақстандық спортшылар да жүлдеге ілікті, деп хабарлайды «ҚазАқпарат» тілшісі.
Халықаралық самбо федерациясының сайтынан алынған мәліметке қарағанда, әлем чемпионаты мен әлем кубогы жарыстарында талай рет топ жарған Бейімбет Қанжанов 52 кг салмақта бұл жолы қола жүлдені қанағат тұтты. Сол секілді Әлібек Зекенов 90 кг салмақта және әскери самбодан Райхан Мәди 100 кг салмақта үшінші орынға көтерілді.
Дүние жүзінің 86 елінен таңдаулы самбошылар қатысып жатқан айтулы доданың бірінші күні Ресей құрамасы алты бірдей алтын медальді жеңіп алды. Соның ішінде Мария Молчанова 48 кг салмақта үш дүркін әлем чемпионы атанды.
Айта кетейік, бүгін 52, 64, 80 кг (әйелдер), 57, 74, 100 кг (ерлер), 62, 82, 100 кг (әскери самбо) салмақ дәрежелері бойынша жеңімпаз-жүлдегерлер анықталады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).