АСТАНА. ҚазАқпарат - Түрікменстан астанасы Ашхабад қаласында жауынгерлік өнер түрлері бойынша жабық ғимаратта өтіп жатқан V Азия ойындарында қазақстандық велосипедшілер 6 медальмен елге оралды, деп хабарлайды ҚазАқпарат тілшісі.
Велошабандоздарымызды Алматы әуежайынан спортшылардың жанкүйерлері мен туыстары күтіп алды.
Жалпы Ашхабадта велосипед жарыстарында 9 команда ерлер арасында - 5, әйелдер арасында - 4 команда өнер көрсетті. Оның ішінде сегіз отандасымыз ел намысын қорғап, әртүрлі номинациялар бойынша 6 медаль, оның ішінде 3 алтын, 2 күміс және 1 қола жеңіп алды.
Енді, велошабондоздарымыз қараша айында Манчестерде өтетін әлем кубогында өнер көрсетеді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.