Қазақстандық жас әнші Мұстафа Сандалмен дуэт айтпақ

АСТАНА. ҚазАқпарат - Жас әнші Нұрбек Іздібай түріктің атақты әншісі Мұстафа Сандалмен бірігіп ән жазу үшін ұсыныс жасады.

Әнші бұл туралы Хит тв арнасына сұхбат берген болатын. Мұстафа Сандалдың өкілдері бұл ұсынысқа қарсы емес екендіктерін жеткізді. Бірінші талап - жақсы ән. Нұрбек қазіргі кезде әсем әнді іздеу үстінде. Мұстафа қазақ әншісінің ұсынысын кері қайтармаған, тек ән таңдалған соң ғана келісімшартқа қол қоятынын жеткізген. Енді жас өнерпаз Түрік еліне сапарға дайындалып жүр. Тіпті, қазақстандық әнші түріктің танымал әншісімен жазылған әнге бейнебаян түсіруді көздеп отыр, деп жазады baistars.kz.