НҰР-СҰЛТАН. ҚазАқпарат - Дзюдодан Қазақстан жастар құрамасы Еуропа кубогынан бес қола медальмен оралды, деп хабарлайды ҚазАқпарат тілшісі.
Еуропа кубогы Грекия астанасы Афины қаласында өтті. Қазақстандық балуандар аталған додаданы бес қола медальмен аяқтады.
Жүлдегерлер қатарында Нұрқанат Серікбаев (60 келі), Нұрсұлтан Зайзағалиев (66 келі), Асанәлі Абзалбек (73 келі), Айдар Арапов (90 келі) және Жұрқамырза Шүкірбеков (100 келіден жоғары) болды.
Айта кетерлігі, аталған турнир - қазақстандық жастар үшін жаңа маусымдағы алғашқы халықаралық жарыс.
Еске салсақ, бұдан бұрын күрестен Азия чемпионатында ел намысын қорғайтын қыздар белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.