БІШКЕК. ҚазАқпарат – Қырғызстан астанасы Бішкекте бесінші санаттағы ITF Juniors жарысы мәреге жетті, деп хабарлайды ҚазАқпарат тілшісі.
Қазақстан теннис федерациясы мәлім еткендей, алматылық Анастасия Крымкова жекелей сында финалға дейін жетіп, ресейлік Эмилия Катцқа есе жіберді – 3:6, 2:6.
Жұптық сында тағы бір қазақстандық Стефания Шалахова жеңімпаз атанды. Ол қырғызстандық Владислава Андреевскаямен бірге финалда тартысты бәсекеде Анастасия Крымкова – ресейлік Полина Болотованы ұтты – 1:6, 6:1, 10:8.
Бозбалалар арасында Данир Қалдыбеков те жанкүйерлерін қуантты. Ол қазақстандық Олег Гусаковпен бірге соңғы бәсекеде отандасы Илья Ведмедь – өзбекстандық Артур Ибрагимовтен айласын асырды – 6:3, 7:6 (8:6).
Еске сала кетейік, бұдан бұрын қазақстандық жас теннисшілердің халықаралық жарыстарда жеңімпаз атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).