НҰР-СҰЛТАН. ҚазАқпарат - Қазақстандық жас теннисшілер Аружан Сағындықова мен Сандуғаш Кенжебаева Уимблдон жасөспірімдер турнирінде ойнайды, деп хабарлайды ҚазАқпарат тілшісі.
Қазақстан теннис федерациясынан мәлім еткеніндей, Team Kazakhstan академиясының түлектері биылғы үшінші «Үлкен дулыға» жарысы - Ұлыбритания ашық чемпионатында бақ сынамақшы.
Аружан мен Сандуғаш жекелей сында 2-10 шілде аралығында өтетін іріктеу сайысында өнер көрсетеді. Жарыс жеребесі 30 маусымда тартылмақшы.
Осылайша, А.Сағындықова мен С.Кенжебаева Уимблдон кортында алғаш рет ойнамақшы.
Еске сала кетейік, бұдан бұрын қазақстандық теннисшінің Сербиядағы жарыстың жеңімпазы атанғанын , қазақстандықтардың Уимблдон турниріндегі қарсыластары белгілі болғанын жазған едік.
Сондай-ақ қазақстандық жас теннисшілер Алматыда өткен халықаралық турнирде чемпион атанды.
Уимблдонда бүгін қазақстандықтар арасынан алғашқы болып еліміздің бірінші ракеткасы Александр Бублик кортқа шығады. Оның қарсыласы - мажарстандық Мартон Фучович.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).