ОРАЛ. ҚазАқпарат - 11-17 қыркүйек аралығында Үндістан астанасы Дели қаласында велоспорттан жасөспірімдер арасында өтіп жатқан Азия кубогы үшін жарыста батысқазақстандық спорт шеберлігіне үміткерлер, ҚР құрамасының мүшелері Даниил Гафаров пен Антон Ноздрин сәтті өнер көрсетті.
БҚО дене шынықтыру және спорт басқармасынан түскен мәліметке қарағанда, Д.Гафаров пен А.Ноздрин олимпиадалық спринтте қола жүлдені иеленді.
Даниил спортқа дарынды балаларға арналған мамандандырылған облыстық мектеп-интернатының шәкірті болса, Антон - биылғы түлегі. Олардың бапкері - Роман Родионов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).