АСТАНА. ҚазАқпарат - Әзербайжан астанасы Баку қаласында Гейдар Әлиевтің туғанына 100 жыл толу құрметіне арналған бокстан жасөспірімдер арасында халықаралық турнир мәресіне жетті, деп хабарлайды ҚазАқпарат тілшісі.
Жарыс қорытындысында қазақстандық спортшылар 11 медаль еншіледі. Оның 3-і алтын, 3-і күміс, 5-і қола.
Ел құрамасынан Ержан Ізтілеуов (52 келі), Тагир Сатаев (63 келі), Жасұлан Бердалы (70 келі) өз салмағында чемпион атанды.
Күміс жүлдегерлер қатарында Игорь Соловьев (63 келі), Бекарыс Нұрмұқан (66 келі), Бексұлтан Қайратұлы (80 келіден жоғары) бар.
Ал Рамазан Орынбасар (50 келі), Асқар Қуаныш (63 келі), Мұхит Нұрқабыл (57 келі), Бақытжан Айтмұқанов (75 келі), Аният Тілеужан (80 келі) қола жүлдеге қол созды.
Еске салсақ, бұдан бұрын Жәнібек Әлімханұлының қарсыласы анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.