Қазақстандық журналистер Бейжіңдегі «Қытай жастары» газетімен танысты

БЕЙЖІҢ. 16 тамыз. ҚазАқпарат - Қытайда өтіп жатқан ШЫҰ-ға мүше елдер жастарының форумы аясында бүгін қазақстандық журналистер өздерінің ресейлік және қырғызстандық әріптестерімен бірге Бейжіңдегі «Қытай жастары» газеті ұжымымен кездесті.

«Қытай жастары» газеті 1951 жылдан бастап жарық көретін үш миллионға жуық оқырманы бар студенттер мен жастардың сүйікті газеті. Онда күн сайынғы маңызды жаңалықтар мен қоғамдағы өзекті мәселелер жарық көреді.

Кездесу барысында журналистер бүгінгі БАҚ саласындағы өзекті мәселелер төңірегінде ой өрбітіп, өзара пікір алмасты.

Айта кетейік, форум бағдарламасы аясында Бейжің және Үрімші қалаларында әр түрлі кездесулер жоспарланған.