Қазақстандықтар Брюссельдегі жас пианиношылар конкурсына қатысуда
20-23 сәуір аралығында өтетін шығармашылық фестиваль Брюссельдегі П.И.Чайковский атындағы музыкалық мектептің қолдауымен ұйымдастырылды. Конкурсқа 28 елден келген 19 жасқа дейінгі 92 жас дарын иелері қатысады.
Фестивальде Қазақстанның атынан Қазақ ұлттық өнер университетінің тәрбиеленушілері Биали Бикенов (7 жасар) мен Мәдина Тәкеева (19 жас), сондай-ақ Алматыдағы «Алтын Тас» музыкалық шығармашылық орталығынан Арина Ли (8 жасар) өнер көрсетеді.
«Мен музыкамен 2 жылдан бері айналысамын. Бұл мен қатысып жатқан үшінші конкурс. Брюссельден басқа, Париж және Римде өтетін музыкалық жарыстарға қатысуды армандаймын», - деді Биали Бикенов.
Ол конкурстың алғашқы кезеңінде И.Бахтың «Кішкентай кіріспе» (Маленькая прелюдия), М.Мошковскийдің «Этюд №5» және Ғ.Жұбанованың «Аңыз» (Легенда) шығармаларын орындады. Екінші кезеңде Д.Кабалевскийдің «Сайқымазақтар» (Клоуны) және Л.В.Бетховеннің бір сонатасын ойнады.
Қазақстандық Арина Ли П.Чайковскийдің «Поляк» (Полька), Ғ.Жұбанованың «Аңыз» (Легенда), М.Мошковскийдің «Этюд №1», И.Бахтың «Инвенция» және К.Сейксастың «Токкату фа минор» шығармаларын көрермендер назарына ұсынады. Мәдина Тәкеева өз кезегінде И.Бахтың «Кіріспе мен фуга» (Прелюдия и фуга), Ф.Шопэннің «Этюд №6», Л.Бетховеннің «Симфония №3», Ф.Шопэннің «Баллада №1» және М.Ровельдің «Купереннің мазары» (Гробница Куперена) шығармаларын орындайды.
Ұйымдастырушылар атап өткендей, конкурстың финалистеріне олардың ары қарай білім алуына қолдау көрсетіледі, ал жеңімпаздарға танымал пианиношылардың шеберлік-сыныптарына қатысуға арналған стипендия беріледі.