«ҚР Президенті - Ұлт көшбасшысы Нұрсұлтан Назарбаевты «Нұр Отан» партиясының айқын жеңісімен шын жүректен құттықтаймын! Қазақстандықтар Елбасына сенетіндіктерін, оның саяси шешімдерін қолдайтындықтарын сайлау арқылы тағы да дәлелдеді. Бұл саяси шешімдер елді тұрақты дамытуға бағытталған. Отандастарымыз Қазақстанның мықты тәуелсіз мемлекет болып қалыптасуын Нұрсұлтан Әбішұлының есімімен байланыстырады. Қоғамда әлеуметтік тұрақтылық пен бейбітшілік орнағаны - Президенттің ең басты саяси жақсылықтарының бірі деп білем. Бүгінде әрбір қазақстандық отбасы болашаққа сеніммен қарайды, ұлттық салт-дәстүрлерді жоғары бағалайды.
«Ұлт жоспары» - 100 нақты қадамда өскелең ұрпақты патриоттық рухта тәрбиелеу және ұрпақ сабақтастығы жақсы көрініс тапқан. Менің дәрігер ретінде айтарым, Елбасының барлық Жолдауларынан кез-келген қиындықты еңсере алатын саламатты да білімді ұлтты қалыптастыруға бағытталған идеологияны байқаймын. Сондықтан, біз - қазақстандық әйелдер, Елбасының қашанда қолдаушылары болып қала береміз», - деді Н. Каюпова.