Осымен екінші рет «Оскар» шарасын американдық актриса, күлдіргі және тележүргізуші Эллен Дедженерес жүргізеді.
Марапаттау трансляциясына Қазақстанда танымал және беделді жүргізушілер Роман Райфельд пен Қалдыбек Жаңсаңбай түсініктеме береді. «Оскар-2014» ресми марапаттау рәсімі Лос-Анджелесте жексенбі күні кешке, яғни Астана уақыты бойынша таңертең ерте болады. Сол себепті Азия және Шығыс-Еуропа телеарналары бұл шараны тікелей эфирден емес, түсіріліп алынған жазба арқылы көрсетеді. «Хабар» телеарнасының көрермендері марапаттау рәсімінің есте қаларлық қызықты әрі маңызды сәттерінен фотосессияны, ойын-сауық бағдарламасын, сонымен бірге лауреаттарды жариялаудағы тартымды сәттерді тамашалайды.