Қазақстандықтар тамыз айында қанша шетелдік валюта сатып алды

АЛМАТЫ. ҚазАқпарат - Ұлттық банк тамыз айында халықтың қолма-қол шетелдік валютаны сатып алуы жөнінде ақпарат берді, деп хабарлайды ҚазАқпарат тілшісі мекеменің баспасөз қызметіне сілтеме жасап.

«2018 жылғы тамыз айында халық 343,9 млрд теңгеге нетто-негізде қолма-қол шетелдік валюта сатып алған. Бұл - жаз айларындағы дәстүрлі маусымдық сұраныс», - деді Ұлттық банк өкілі.

Сұранысқа ие негізі валюта АҚШ доллары 71,1% құрайды. Ал ресейлік рубль мен еуроның үлесі сәйкесінше 21% және 7% болды.

Былтырғы жылдың тамыз айымен салыстырғанда қолма-қол шетелдік валютаның нетто-сатылымының жалпы көлемі 4,5% азайған. Бұл АҚШ долларына сұраныстың төмендеуіне алып келді (сатып алу шығыны 17% қысқарды). Қолма-қол ресей рубльдерін сатып алу деңгейінің артуы (2017 жылғы тамыз айымен салыстырғанда 56,2% өскен) көбіне ұлттық валютаның сауда қатынасында, әсіресе шекара бойындағы облыстарда қолданылуына байланысты.

«Сондай-ақ, қолма-қол ресейлік валютаға сұраныстың артуы теңгенің рубльге шаққандағы бағамының нығаюына байланысты болды. Яғни үстіміздегі жылдың қаңтар-тамыз айларында 7,3% құрап, бір рубль 5,77 теңгеден 5,35 теңгеге дейін төмендеген. Еуроға сұраныс (2017 жылғы тамыз айымен салыстырғанда биылғы жылдың ұқсас мерзімінде сатып алу шығындары 46,6% құрады) маусымнан маусымға дейін әр айда өзгеріске ұшырап, тұрақсыз болып қалып отыр», - деді ведомствоның баспасөз қызметіндегілер.