АСТАНА. ҚазАқпарат – Қазақстандықтар үстел теннисінен Черногорияның Подгорица қаласында өтетін WTT Youth Star Contender турниріне қатысады, деп хабарлайды ҚазАқпарат тілшісі.
Ұлттық олимпиада комитетінен мәлім еткеніндей, жарыс 11-15 сәуір аралығында өтеді.
Айтулы додада қарағандылық Алан Құрманғалиев (Қарағанды, әлемдік рейтингте №11, 19 жас) және Сарвиноз Миркадирова (Шымкент, №30) өнер көрсетеді.
Оларға жас ерекшеліктеріне қарай мына спортшылар қарсылас атанбақшы: Као Ченг-Джуй (Тайбэй, №3), Эдуард Ионеску (Румыния, №4), Хьюго Дешам (Франция, №6), О Джун Сун (Корея, №7), Чан Ю-Ан (Тайбэй, №8), қыздар Ли Дэун (Корея, №5), Павад Притика (Франция, №7), Аннетт Кауфманн (Германия, №8), Чен Пусуань (Тайбэй, №9), Цинь Юйсюань (Қытай, №11).
Еске сала кетейік, бұдан бұрын Алан Құрманғалиевтің Португалиядағы турнирде алтын алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).