Қаржы ұйымының мәліметінше, мұндағы негізгі мақсат – қолма-қол ақша айналымының даму тенденцияларын, қолма-қол ақшаға сұранысты қалыптастыратын факторларды анықтау, сондай-ақ экономика субъектілерінің қолма-қол ақша мен олардың номиналды құрылымын пайдалануын зерттеу.
«Зерттеу сауалнама әдісімен үш кезеңде жүргізілді. Сонымен қатар, респонденттердің төлем күнделіктеріне талдау жасалды, оның көмегімен респонденттер апта ішінде барлық шығындарын тіркеді: сомалар, төлем орны, төлем әдісі және т. б.
Сауалнамаға 9 628 респондент қатысты, оның ішінде 6 095 жеке тұлға, 3 533 кәсіпкерлік субъекті бар. Зерттеу Қазақстанның 17 облысын және республикалық маңызы бар 3 қаланы қамтыды», - деп жазды Ұлттық банктен.
Ондағы мәліметтерге қарағанда респонденттердің 60 %-ы қолма-қол ақшаны күнделікті есеп айырысу үшін, 72 %-ы қолма-қол ақшаны алу үшін банк картасын пайдаланады. 31%-ы шағын және орта номиналдардағы сұранысты атап өтсе, қатысушылардың аптасына қолма-қол шығыстарының орташа мөлшері 27 мың теңгені құрады. Олардың шығыстарының қолма-қол ақшаға тиесілі үлесі - 35%. 74%-ы қолма-қол ақшасыз төлем құралдарын пайдаланады, кәсіпкерлер айналымындағы қолма-қол ақшаның үлесі - 35%.