АСТАНА. ҚазАқпарат - Израильдегі жағдайдың шиеленісуіне байланысты ҚР ИЖТМ Туризм индустриясы комитеті мен ҚР СІМ осы елге барған және палестиналық аумақтағы қазақстандықтарды сақтық шараларын ескеруді ескертті. Бұл туралы Туризм индустриясы комитетінің баспасөз қызметінен хабарланды.
Осы орайда қақтығыс жүріп жатқан аумақтан аулақ журу, сондай-ақ оқ атылуы мүмкін орындарға бармау туралы айтылуда.
ҚР ИЖТМ Туризм индустриясы комитеті Израиль мен Палестинаға турларды жүзеге асыратын туристік операторлар мен агенттіктерге туристерді аталған жердегі ахуал қиындағанын, сондай-ақ қауіпсіздік шаралары жайында ақпараттандыруы керектігін ескертті.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.