ҚР Денсаулық сақтау министрлігі Санитарлық-эпидемиологиялық бақылау комитетінен мәлім еткендей, өткен бір тәулікте елімізге 3 244 авиажолаушы келді. Олардың барлығында коронавирусқа ПТР тестілеу туралы анықтама болған.
Оның ішінде:
- Алматы қаласының әуежайына – 12 рейс, 1 813 жолаушы;
- Нұр-Сұлтан қаласының әуежайына – 8 рейс, 735 жолаушы;
- Шымкент қаласының әуежайына – 4 рейс, 548 жолаушы;
- Ақтау қаласының әуежайына – 1 рейс, 148 жолаушы.
27 сәуір күні 10 елден 4179 адам ұшып келген болатын. Барлығында коронавирусқа ПТР-анықтама болды.
Еске салайық, міндетті ПТР-тестілеу бағасы шетелге шығатын қазақстандықтардың турпакет құнына енгізілді.
Себебі шетелде демалып келген қазақстандықтардың 80 пайынан коронавирус анықталған болатын.
Осыған орай, ПТР-анықтамасы жоқ туристерді Қазақстанға кіргізбеу шешімі қабылданды.