Қазақстанмен достығымыз бен бауырластығымыз ауыр сынақтан кейін күшейе түсті - Ильхам Әлиев

АСТАНА. KAZINFORM – Әзербайжан Республикасының президенті Ильхам Әлиев телеарнаға сұхбат берді.

Сұхбат барысында Ақтау маңында болған ұшақ апатына тоқталып, түсінік берді. Сонымен қатар қазақ халқына алғыс айтты. 

- Бұл шынайы достық пен бауырластық. Сонымен қатар, Президент Қасым-Жомарт Тоқаевқа көңіл айттым, өйткені, апат салдарынан Қазақстанның алты азаматы қаза тапты. Ол да маған көңіл айтты. Қайғылы жағдайдың ауырлығына қарамастан, бұл сынақ сәті болды – осындай сәтте қандай екенін көрсетеді. Қайғылы жағдайға қарамастан, Қазақстанда солай ойлайтынына көзім жетті және сенімдімін. Біздің достық пен бауырластық осы қиын сынақтан кейін одан сайын күшейе түсті, - деді Ильхам Әлиев. 

Сондай-ақ, Ильхам Әлиев сұхбат барысында Ақтау маңындағы AZAL ұшағының апатының себебіне қатысты бірқатар жайтпен бөлісті.

- Әрине, апаттың соңғы нұсқасы қара жәшіктерді ашқаннан кейін белгілі болады. Бірақ, бастапқы нұсқалар да жеткілікті әрі фактілерге негізделген. Ал Әзербайжанның азаматтық ұшағы Ресей аумағында, Грозный қаласының маңында зақымданып, басқаруды жоғалтты. Сонымен қатар біздің ұшақты радиоэлектронға қарсы құралдармен басқарылмайтын күйге жеткізгенін білеміз. Бұл ұшаққа келтірілген алғашқы залал, - деп атап өтті Ильхам Әлиев. 
Одан бөлек, Әзербайжан президенті өрттің салдарынан ұшақтың құйрығы да қатты зардап шеккенін айтты.

Айта кетейік, Мемлекет басшысы Ақтау маңында әуе апатынан кейін Әзербайжан Президенті Ильхам Әлиевке көңіл айтты. 

Сонымен қатар Әзербайжан президенті Ильхам Әлиевте көңіл айтты.

Еске сала кетейік, 25 желтоқсанда Ақтау маңында Azerbaijan Airlines ұшағы апатқа ұшырады. 

Ұшақ бортында 67 адам, оның ішінде бес экипаж мүшесі болған. Оқиға салдарынан 38 жолаушы қаза тапты. Өкінішке қарай, мерт болған жандардың арасында 6 Қазақстан азаматы бар.