Қазақстаннан заңсыз қой еті жеткізілмек болған - Қырғыз АШМ
12:30, 29 Шілде 2024
АСТАНА.KAZINFORM — «Кең-Бұлұн» шекаралық ветеринарлық бақылау бекетінің инспекторлары Қазақстаннан Қырғызстан аумағына 1600 келі көлеміндегі қой етінің заңсыз тасымалданбақ болғанын анықтады, деп жазады Кабар агенттігі.
Қырғыз Республикасы Ауыл шаруашылығы министрлігінің мәліметінше, жүктің ЕАЭО-ның ветеринариялық-санитариялық талаптарына сәйкес келмейтіні, сондай-ақ ветеринариялық ілеспе құжаттар пакеті болмағаны анықталды.
Ветеринариялық қызмет инспекторлары тиісті қайтару актісін жасап, жүк Қазақстанға қайтарылды.