Қазақстанның Әзербайжандағы елшілігінде сайлау учаскесі құрылды
АСТАНА. KAZINFORM – Атом электр стансасын (АЭС) салу жөніндегі республикалық референдум қарсаңында Қазақстанның Бакудегі Елшілігінде сайлау учаскесі құрылды.
Әзербайжандағы Қазақстан азаматтары референдум күні жергілікті уақыт бойынша сағат 07:00-ден 20:00-ге дейін Қазақстан Республикасының Бакудегі Елшілігінің жанындағы №394 сайлау учаскесіне келіп, өз сайлау құқықтарын пайдалана алады.
Шетелдік мекеме мәліметінше, бүгінде бұл учаскедегі сайлаушылар тізімінде Әзербайжанда тұрақты тұратын немесе уақытша жүрген 180-ге жуық Қазақстан Республикасының азаматы бар.
Референдум өтетін күні дауыс берушінің жарамды төлқұжаты немесе Қазақстан Республикасы азаматының жеке куәлігі болуы керек.
Қосымша сұрақтар үшін +994 51 255 78 64 телефоны арқылы хабарласуға болады.
Қосымша ақпаратты Қазақстан Республикасы Орталық сайлау комиссиясының www.election.gov.kz сайтынан алуға болады.
№ 394 сайлау учаскесінің мекенжайы: Баку қ., Н.Рафиев көшесі, 14.
Айта кетейік, Қазақстан Республикасы Президентінің 2024 жылғы 2 қыркүйектегі №636 Жарлығына сәйкес 6 қазанда Қазақстанда атом электр станциясын салу туралы республикалық референдум өтеді.