– Үш миллионға жуық хабарлама бар және олар толық форматта емес. Қазір деректерді толық зерттеп жатырмыз. Бұл тұрғыда Қазақстан азаматтарына қатысты және жалпы Қазақстан туралы айтылған тұстары қаралады, - деді Е. Өтегенов Сенатта тілшілер сұрағына жауап бере отырып.
Ол осы іс бойынша бұрынғы Премьер-министр Кәрім Мәсімов пен Ұлттық банктің экс-басшысы Қайрат Келімбетовтің қатысы бар-жоғын тексеру жалғасып жатқанын айтты. Бас прокурордың орынбасары аталған тексерудің аяқталу мерзімін нақтыламады.
Оның айтуынша, ақпараттың айтарлықтай көлемді болуына байланысты жан-жақты талдау жүргізу керек.
Еске салсақ биыл ақпан айында Мәжіліс депутаты Асхат Рахымжанов еліміздің бұрынғы жоғары лауазымды экс-шенеуніктерінің Джеффи Эпштейнмен байланыстарын тексеру қажет айтты.
Бас прокурор Берік Асылов елде Эпштейн ісі бойынша тексеру басталғанын мәлімдеді.