Қазақстанның басым бөлігінде күн жауын-шашынсыз болады - Қазгидромет
06:09, 17 Наурыз 2025
АСТАНА. KAZINFORM – «Қазгидромет» РМК-сы наурыздың 17-і күнгі күн райы болжамын жариялады.
Кәсіпорынның болжамына қарағанда, жоғары атмосфералық қысымның әсерінен Қазақстанның басым бөлігінде күн жауын-шашынсыз болады. Тек еліміздің солтүстігінде, солтүстік-батысында атмосфералық фронталды бөліктердің әсерінен күн құбылмалы болады және жаңбыр мен қар жаууы ықтимал.
Республика бойынша тұман түсіп, жел күшейеді, солтүстікте көктайғақ болып, күндіз оңтүстік-батыста шаңды дауыл тұрады.
Осыған дейін Қазақстанның бірқатар өңірінде тұман түсіп, көктайғақ болатыны ескертілген еді.