Бүгінгі таңда теңіз инфрақұрылымы мәселесі өте өзекті. Жаһанның көптеген елдері лаңкестердің, қарақшылардың тарапынан қауіп-қатерлерге душар болып отыр. Осы қатерді болдырмау және сауда кемелерінің теңізде жүзу қауіпсіздігін қамтамасыз етуде теңіз компаниялары Әскери-теңіз күштері мен жағалау күзетімен тығыз қарым-қатынаста болуы қажет.
Конференция барысында 30 елдің Әскери-теңіз күштерінің өкілдері, 20-дан аса компания және әскери-теңіз саласындағы 30-дан аса маман осы және өзге де мәселелерді талқылады.
Одан басқа, сапар барысында ҚР ҚК ӘТК бас қолбасшысы бесінші флоттың қолбасшысы вице-адмирал К. Донеганмен кездесті. Кездесуде ҚР ҚК ӘТК әскери қызметшілерінің АҚШ ӘТК 5-ші флотының корабльдерінде практикадан және тағылымдаман сәтті өтуі, сондай-ақ олардың әртүрлі конференцияларға, форумдар мен симпозиумдарға қатысуы талқыланды. Сонымен қатар, екі елдің әскери қызметшілері АҚШ ӘТК-нің «Proud Lions» корабліне барды. Бүгінгі таңда шетелде ҚР Әскери-теңіз күштерінің болашақ әскери қызметшілері атанатын 50-ден аса қазақстандық курсант білім алып жүргенін айта кетейік.