Қазақстанның басым аумағы циклонның ықпалында болады - 27 наурызға арналған ауа райы болжамы
Республиканың оңтүстік шығысында кей жерлерде найзағай ойнайды, батысында құмды дауыл болады. Тек елдің оңтүстігінде жауын-шашын жаумайды, деп хабарлайды Қазгидрометке сілтеме жасай отырып ҚР ТЖМ баспасөз қызметі.
Ақмола облысында 15-20 м/с жылдамдықпен жел соғады, кей жерлерде оның екпіні 25 м/с-қа жетеді, көктайғақ болады.
Солтүстік Қазақстан облысында желдің жымдамдығы 15-20 м/с-қа жетеді, кейде оның екпіні 25 м/с-ті құрайды, кей жерлерде тұман түсіп, көктайғақ орнайды.
Қостанай облысында кей жерлерде көктайғақ орнайды, тұман түсіп, қарлы бұрқасын болады, 15-20 м/с жылдамдықпен жел соғады, кейде оның екпіні 23 м/с-қа жетеді. Шығыс Қазақстан, Қарағанды облыстарында тұман түсіп, көктайғақ орнайды, 15-20 м/с жылдамдықпен жел соғады.
Атырау облысында тұман түседі, күндіз жел 15-20 м/с-қа дейін күшейіп, соңы құмды дауылға айналады.
Ақтөбе облысында тұман түсіп, көктайғақ орнайды, түнде желдің жылдамдығы 15-20 м/с-қа жетеді. Жамбыл облысында кей жерлерде тұман түсіп, желдің жылдамдығы 15-20 м/с-ті құрайды.
Павлодар облысында көктайғақ болады, 15-20 м/с жылдамдықпен жел соғады. Маңғыстау, түнде Оңтүстік Қазақстан облысында тұман түседі. Түнде Алматы облысында найзағай орнап, 15-20 м/с жылдамдықпен жел соғады.
Алдағы тәуліктерде республиканың батыс және орталықтағы жекелеген аудандарында көктемгі су тасқыны жүреді деп күтілуде, су деңгейі көтеріледі.