«Бүгін біз 2023 жылғы қысқы Универсиаданың қола жүлдегерлерін қарсы алдық. Хоккейшілер топтық кезеңде керемет нәтиже көрсетті. Қазақстан құрамасы қатарынан төрт рет жеңіске жетті, атап өтсек, Оңтүстік Кореяны 5:1, Мажарстанды 9:1, Ұлыбританияны 15:1 және Словакияны 4:0 есебімен жеңіп, тек Канада мен АҚШ құрамаларына есе жіберді. Ал «қола» үшін ойында жапондықтарды 8:1 есебімен жеңді», - деді Қуаныш Ерғалиев.
Естеріңізге сала кетейік, 2023 жылдың 12-22 қаңтар аралығында Қазақстанның студенттік құрама командасы АҚШ-тың Лейк-Плэсид қаласында өткен XXXI Дүниежүзілік қысқы Универсиадаға қатысты. Жалпы командалық есепте біздің спортшылар 11 медальмен 11-ші орынға ие болды. Яғни үш алтын, төрт күміс және төрт қола еншіледі.
Бұдан бұрын хабарланғандай, Универсиадада шайбалы хоккейден Қазақстан студенттер құрамасы қола жүлдегер атанды.
Фото: t.me/gylym_jogary_bilim