Оның айтуынша, бұл өзгерістер заңдылықты нығайту жолында елдің бұдан ары қарай дамуы үшін маңызды болып отыр. «Мәселен, жаңа Қылмыстық-процессуалдық кодексті қабылдау, азаматтың құқын тиімді қорғауға мүмкіндік беретін қылмыстық сот ісінің қазіргі заманғы стандарттарын Қазақстанда енгізуге ықпал жасайды», - деп тоқталды А. Шпекбаев. Сонымен қатар ол қылмыстық үдерістің сотқа дейінгі кезеңінде азаматтардың конституциялық құқы мен бостандығын шектейтін процессуалдық мәжбүрлеу шаралары соттық қадағалауға қойылатынын атап өтті.
14:00, 24 Қаңтар 2014
Қазақстанның қылмыстық-құқықтық саласын үлкен өзгерістер күтіп тұр - А. Шпекбаев
АСТАНА. 24 қаңтар. ҚазАқпарат - Қазақстанның қылмыстық-құқықтық саласында үлкен өзгерістер болады. Бұл туралы бүгін ҚР Президенті жанындағы Орталық коммуникациялар қызметіндегі брифингте ҚР Президенті Әкімшілігі құқық қорғау жүйесі бөлімінің меңгерушісі Алик Шпекбаев мәлім етті.