Бұл туралы Казгидрометке сілтеме жасап ТЖМ баспасөз қызметі хабарлайды.
Республиканың тек оңтүстік бөлігінде ауа-райы жауын-шашынсыз болады, жекелеген аудандарда тұман түсіп, жел күшейеді деп күтілуде.
Ақмола, Павлодар, Қарағанды, Шығыс Қазақстан, Ақтөбе облыстарында, түнде Қостанай облысында, күндіз Жамбыл облысының кей жерлерінде жел 15-20 м/с-қа дейін күшейеді.
Солтүстік Қазақстан облысының кей жерлерінде 15-20 м/с жел соғады деп күтілуде, бұршақ жаууы мүмкін. Батыс Қазақстан облысының кей жерлерінде шаң көтеріліп, дауыл тұрады, күндіз жел 15-20 м/с-қа дейін күшейеді деп күтілуде.
Маңғыстау облысының кей жерлерінде тұман түсуі ықтимал.
Республиканың батысында, оңтүстігінде кей жерлерде төтенше жоғары өрт қаупі сақталады.
Жақын күндері республиканың оңтүстік және оңтүстік-шығыс өзендерінде су көлемінің ауытқуы күтілуде. Шығыс Қазақстан облысы өзендерінің басым бөлігінде (Қара Ертіс, Бұқтырма, Оба, Үлбі, Тұрғысын және т.б.) жауын-шашын болуына байланысты су деңгейінің көтерілуі жалғасады; жекелеген өзендерде судың тасуы мүмкін. Қазақстанның жазықты аумағының өзендерінде гидрологиялық тәртіпте айтарлықтай өзгерістер болмайды деп күтілуде.